Basures en Senda Verde de La Camocha

Acabante d'aportar al mió llar el folletu de propaganda del Ayuntamientu Xixón

col títulu de 'Natural de Gijón', nun pueo sinón entrugame pol vertedera illegal asitiáu na sienda verde. Esta sienda percuerre una antigua vía de ferrocarril, agora asfaltada ente La Camocha y Tremañes, que tien previsto continuase fasta la costa. Pues bien, a un llau d'esta sienda bien transitada por caminantes y ciclistes tolos díes, y qu'arrodiadad'árboles supon un pulmón de relax pal ciüdadanu, hai un inmensu vertedero illegal de restos d'obres industriales. Tá al llau del campu fútbol onde xuega La Braña y allégase fasta la ponte l'autopista. Ye un basurera enorme, enllenu de restos d'elletrodomésticos, cachos de vehículos y sobremanera de materiales d'obra, vidros, cementu, lladriellos, tierra, plásticos y un montonáu más de desfechos industriales, que tiren ehí ensin control dalu.

Tremañes ye territoriu Urban, pero esi vertedero de xuru que n'Europa nun lo conocen porque sinón retiraríen esi sofitu tan importante pa meyorar les periferies degradaes de les ciudades de la Xunión Europea. El citáu folletu 'Natural de Gijón' presume d'actuaciones periurbanes y d'integrar lo verde na fastera urbana y específicamente nos senderos qu'arrodien la piudá.

De lo que nun falen ye del so deficiente mantenimiento, del qu'esti macrobasureru ye un bon exemplu. Da la impresión de que se faen coses, pero que nun se faen seguimientos d'elles, coló que acaben perdiendo'l so valir col tiempo y los malos usos.

Espero qu'esta zuna tenga igua y qu'esanicien esi vertedera pa que los usuarios de la sienda verde podamos esfrutar braeramente d'ella.